விராலிமலை கோயில் கோபுரத்தில் ஏறி போராட்டத்தில் ஈடுபட்டவர் தவறி கீழே விழுந்து உயிரிழப்பு

விராலிமலை மலைக்கோயில் கோபுரத்தில் ஏறி கோரிக்கைகளை வலியுறுத்தி போராட்டம் நடத்திய சமூக ஆர்வலர் பேச்சுவார்த்தைக்குப் பின் கீழே இறங்க முயன்றபோது கீழே விழுந்து உயிரிழந்தார்.

- 

விராலிமலை, ஆக.15:

புதுக்கோட்டை மாவட்டம், விராலிமலை முருகன் கோயில் சுற்றி உள்ள ஆக்கிரமிப்புகளை அகற்ற வேண்டும், விராலிமலையில் மயில்கள் சரணாலயம் அமைக்க வேண்டும் உள்ளிட்ட பல்வேறு கோரிக்கைகளை வலியுறுத்தி சமூக ஆர்வலரான ஆறுமுகம் (44) என்பவர் வெள்ளிக்கிழமை காலை தேசியக் கொடியுடன் விராலிமலை முருகன் மலைக் கோயில் கோபுர உச்சிக்குச் சென்று போராட்டம் நடத்தினார்.