இந்தியாவின் தற்சார்பை வலுப்படுத்தும்: ராஜ்நாத் சிங்

உ.பி. பிரமோஸ் சோதனை மையம்

- 

லக்னௌ, ஜூலை 13: உத்தர பிரதேச மாநிலம், லக்னெளவில் புதிதாக அமைக்கப்பட்டுள்ள பிரமோஸ் ஏவுகணை சோதனை மையம் நம் நாட்டின் பாதுகாப்புத் துறை தற்சார்பை வலுப்படுத்த உதவும் என்று பாதுகாப்புத் துறை அமைச்சர் ராஜ்நாத் சிங் நம்பிக்கை தெரிவித்துள்ளார்.

லக்னெளவில் உள்ள தேசிய பி.ஜி.கல்லூரியில் உத்தர பிரதேச முன்னாள் முதல்வர் சந்திரபானு குப்தாவின் சிலையை அவர் ஞாயிற்றுக்கிழமை திறந்துவைத்துப் பேசியதாவது:

உத்தர பிரதேசத்தின் முன்னாள் முதல்வரான சந்திரபானு குப்தா சுதந்திரப் போராட்டத்தில் பங்கேற்ற எளிய தொண்டராக தன் வாழ்க்கையைத் தொடங்கினார். தனது தியாகம், அர்ப்பணிப்பு, தலைமைப் பண்பு ஆகியவற்றால் லட்சக்கணக்கான மக்களின் உள்ளங்களில் இடம்பிடித்தார். அவரது வாழ்க்கையானது அதிகாரம் என்பது பதவி மட்டுமின்றி பொறுப்பு, தியாகம், மக்கள் நலனைக் காப்பது ஆகியவையுமாகும் என்பதை உணர்த்துகிறது.