முன்னாள் எம்எல்ஏ ஓய்வூதியத்துக்கு ஜகதீப் தன்கர் விண்ணப்பம்

முன்னாள் குடியரசு துணைத் தலைவர் ஜகதீப் தன்கர், ராஜஸ்தான் முன்னாள் சட்டப்பேரவை உறுப்பினருக்கான ஓய்வூதியத்துக்கு விண்ணப்பித்துள்ளார்.

- 

ஜெய்பூர், ஆக. 30:

ஜகதீப் தன்கர், 1993 முதல் 1998-ஆம் ஆண்டுவரை ராஜஸ்தானின் கிஷன்கர் சட்டப்பேரவைத் தொகுதியில் காங்கிரஸ் எம்எல்ஏவாக இருந்தார். கடந்த 2019, ஜூலையில் மேற்கு வங்க ஆளுநராக நியமிக்கப்படும் வரை முன்னாள் எம்எல்ஏவுக்கான ஓய்வூதியத்தை அவர் பெற்று வந்தார்.

பின்னர், நாட்டின் 14-ஆவது குடியரசு துணைத் தலைவராக அவர் பொறுப்பேற்றார். இந்நிலையில், நாடாளுமன்ற மழைக் கால கூட்டத்தொடர் தொடங்கிய முதல் நாளான கடந்த ஜூலை 21-ஆம் தேதி, உடல்நலக் காரணங்களைக் குறிப்பிட்டு, குடியரசு துணைத் தலைவர் பதவியிலிருந்து ராஜிநாமா செய்தார்.