ஆடித் தவசு திருவிழா

அருள் வழங்கும் அன்னை கோமதி

- 

தமிழகத்தில் புகழ்பெற்று விளங்கும் ஆலயங்களில் தென்காசி மாவட்டம் சங்கரன்கோவில் சங்கரநாராயணசுவாமி திருக்கோயிலும் ஒன்று. 11ஆம் நூற்றாண்டில் உக்கிரபாண்டிய மகாராஜா இத்திருக்கோயிலைக் கட்டியதாக வரலாறு.

அந்தக் காலத்தில் சங்கரன்கோவில் பகுதியை உக்கிரபாண்டிய மகாராஜா ஆட்சி செய்து வந்தார். அவர் சைவ பக்தர். அடிக்கடி மதுரைக்குச் சென்று மீனாட்சி சுந்தரேசுவரரை தரிசிப்பது வழக்கம். அவர் படை வீரர்கள் புடைசூழ யானையில் பயணித்து மதுரையை அடைவாராம். மீனாட்சி சுந்தரேசுவரரை தரிசித்துவிட்டு அதே வழியில் அவர் திரும்புவாராம்.