உள்ளாட்சிகளில் மாற்றுத்திறனாளிகளுக்கு நியமன பிரதிநிதித்துவம்

முதல்வர் மு.க.ஸ்டாலின் அறிவிப்பு

- 

சென்னை, பிப். 27: உள்ளாட்சி அமைப்புகளில் மாற்றுத்திறனாளிகளுக்கு நியமன அடிப்படையில் பிரதிநிதித்துவம் வழங்கப்படும் என்று முதல்வர் மு.க.ஸ்டாலின் அறிவித்தார். அதற்கான சட்டத் திருத்தம் விரைவில் மேற்கொள்ளப்படும் என்றும் அவர் கூறினார்.

சென்னை, கொளத்தூர் தொகுதிக்குள்பட்ட பெரியார் நகரில் புதிதாக 6 தளங்களுடன் அமைக்கப்பட்டுள்ள பெரியார் அரசு மருத்துவமனையை முதல்வர் மு.க.ஸ்டாலின் பொதுப் பயன்பாட்டுக்கு வியாழக்கிழமை திறந்து வைத்தார்.

அப்போது அவர் பேசியதாவது: பொதுவாக எனது பிறந்த நாளில் மக்கள் நலனுக்காக மனதுக்கு நெருக்கமான திட்டத்தை தொடங்கி வைப்பதை வழக்கமாக வைத்துள்ளேன். அதன்படி, 'நான் முதல்வன்' திட்டம் கடந்த 2022-இல் தொடங்கப்பட்டது. அதன் கீழ் இதுவரை 41 லட்சம் இளைஞர்களுக்கு திறன் மேம்பாட்டுப் பயிற்சி அளிக்கப்பட்டு, அதில் 2.60 லட்சத்துக்கும் மேற்பட்டோர் உயர் பணி வாய்ப்பை பெற்றுள்ளனர்.

மேலும், உயர் கல்வியை பாதியில் கைவிட்ட 77,000 மாணவர்களுக்கு மீண்டும் கல்வியைத் தொடர வழிவகை செய்யப்பட்டது. அதன் தொடர்ச்சியாக மனிதக் கழிவை மனிதனே அகற்றும் நிலையை மாற்ற அதற்கான கருவிகளைத் தந்து பணியாளர்களை தொழில்முனைவோராக்கும்