அதிமுக ஆட்சியில் மீண்டும் பாரம்பரிய முறையில் ஜல்லிக்கட்டு

எடப்பாடி கே. பழனிசாமி உறுதி

- 

மதுரை, செப். 4: வருகிற சட்டப்பேரவைத் தேர்தலில் வென்று அதிமுக ஆட்சி அமைந்தவுடன் டோக்கன் முறை நீக்கப்பட்டு, மீண்டும் பாரம்பரிய முறைப்படி ஜல்லிக்கட்டு போட்டிகள் நடத்தப்படும் என அந்தக் கட்சியின் பொதுச் செயலரும், முன்னாள் முதல்வருமான எடப்பாடி கே. பழனிசாமி தெரிவித்தார்.

மதுரை மாவட்டம், வாடிப்பட்டி, உசிலம்பட்டியில் வியாழக்கிழமை நடைபெற்ற 'மக்களைக் காப்போம், தமிழகத்தை மீட்போம்' பிரசார நிகழ்ச்சியில் மேலும் அவர் பேசியதாவது:

வேளாண்மையைப் பாதுகாக்கவும், உற்பத்தியைப் பெருக்கவும் பயிர்க் கடன் தள்ளுபடி, வறட்சி நிவாரணம், வேளாண் பணிகளுக்கு 24 மணி நேர மும்முனை மின்சாரம், டிராக்டர் வாங்க மானியம், விவசாயத் தொழிலாளர்களுக்கு விலையில்லா ஆடுகள், மாடுகள், கோழிகள் வழங்கும் திட்டம் என பல்வேறு திட்டங்கள் முந்தைய அதிமுக ஆட்சிக் காலத்தில் செயல்படுத்தப்பட்டன.