அமெரிக்க வரிச் சலுகை, குடியேற்ற மசோதா நிறைவேற்றம்

அமெரிக்காவின் வரிச் சலுகை மற்றும் குடியேற்ற மசோதாவுக்கு அந்நாட்டு நாடாளுமன்றக் கீழவை ஒப்புதல் அளித்தது.

- 

வாஷிங்டன், ஜூலை 4:

ஏற்கெனவே அந்நாட்டு நாடாளுமன்ற மேலவையில் மசோதா நிறைவேறியதைத் தொடர்ந்து, இரு அவைகளிலும் மசோதா நிறைவேற்றப்பட்டுள்ளது.

அமெரிக்காவில் ‘ஒன் பிக் பியூட்டிஃபுல் பில்’ என்ற வரிச் சலுகை, செலவினக் குறைப்பு மற்றும் குடியேற்ற மசோதாவை அதிபர் டிரம்ப் அரசு அறிமுகம் செய்தது.

இந்த மசோதா கடந்த 2017 முதல் 2021-ஆம் ஆண்டு வரை டிரம்ப்பின் முதலாவது அதிபர் பதவிக் காலத்தில், அந்நாட்டு அரசு அறிவித்த 4.5 ட்ரில்லியன் டாலர் (சுமார் ரூ.384 லட்சம் கோடி) வரிச் சலுகைகளை நிரந்தரமாக்குகிறது.