100 நாள் சவால்: 4,552 அரசுப் பள்ளிகளுக்கு திருச்சியில் ஜூலை 6-இல் பாராட்டு விழா

பள்ளிக் கல்வித் துறையின் 100 நாள் சவாலை ஏற்று 1-5 வகுப்பு மாணவர்களின் வாசித்தல், கணித அடிப்படைத் திறனில் முன்னேற்றம் அடையச் செய்த 4,552 அரசுப் பள்ளிகளின் தலைமை ஆசிரியர்களுக்கு திருச்சியில் ஜூலை 6-ஆம் தேதி பாராட்டு விழா நடைபெறவுள்ளது.

- 

சென்னை, ஜூலை 1:

இதில், பள்ளிக் கல்வித் துறை அமைச்சர் அன்பில் மகேஷ் கலந்து கொண்டு பாராட்டுச் சான்றிதழ்களை வழங்கவுள்ளார்.

தமிழகத்தில் அரசு மற்றும் அரசு உதவிபெறும் தொடக்க மற்றும் நடுநிலைப் பள்ளிகளில் 1 முதல் 5-ஆம் வகுப்பு வரை படிக்கும் மாணவர்கள் அனைவரின் தமிழ், ஆங்கிலம் வாசிப்பு மற்றும் கற்றல் திறன் அடைவு கள் குறித்து 100 நாள் சவாலை பள்ளிக் கல்வித் துறை அறிவித்தது.