பஞ்சாப் கள்ளச் சாராய உயிரிழப்பு: 23-ஆக அதிகரிப்பு

பஞ்சாபில் கள்ளச் சாராயம் குடித்து மருத்துவமனையில் சிகிச்சை பெற்று வந்தவர்களில் மேலும் இருவர் புதன்கிழமை உயிரிழந்தனர். இதனால், கள்ளச் சாராய உயிரிழப்பு எண்ணிக்கை 23 ஆக அதிகரித்துள்ளது.

- 

அமிருதசரஸ், மே 14:

இந்த சம்பவம் தொடர்பாக மேலும் இருவர் புதன்கிழமை கைது செய்யப்பட்டனர். இதுவரை 12 பேர் கைதாகியுள்ளனர். மாநில கலால் வரித் துறையைச் சேர்ந்த இரு அதிகாரிகளும் பணியிடை நீக்கம் செய்யப்பட்டுள்ளனர்.

அமிருதசரஸின் மஜிதா காவல் துறை துணை கண்காணிப்பாளர் அமோலக் சிங், மஜிதா காவல் நிலைய பொறுப்பு அதிகாரி அவதார் சிங் ஆகியோர் ஏற்கெனவே பணியிடை நீக்கம் செய்யப்பட்டுவிட்டனர்.