கில் அதிரடி; குஜராத்துக்கு 6-ஆவது வெற்றி

இந்தியன் பிரீமியர் லீக் கிரிக்கெட்டின் 39-ஆவது ஆட்டத்தில், குஜராத் டைட்டன்ஸ் 39 ரன்கள் வித்தியாசத்தில் நடப்பு சாம்பியன் கொல்கத்தா நைட் ரைடர்ஸை அதன் சொந்த மண்ணில் திங்கள்கிழமை வென்றது.

- 

கொல்கத்தா, ஏப். 21: இந்தியன் பிரீமியர் லீக் கிரிக்கெட்டின் 39-ஆவது ஆட்டத்தில், குஜராத் டைட்டன்ஸ் 39 ரன்கள் வித்தியாசத்தில் நடப்பு சாம்பியன் கொல்கத்தா நைட் ரைடர்ஸை அதன் சொந்த மண்ணில் திங்கள்கிழமை வென்றது.

முதலில் குஜராத் 20 ஓவர்களில் 3 விக்கெட்டுகள் இழப்புக்கு 198 ரன்கள் சேர்க்க, கொல்கத்தா 20 ஓவர்களில் 8 விக்கெட்டுகள் இழப்புக்கு 159 ரன்களே எடுத்தது.

முன்னதாக டாஸ் வென்ற கொல்கத்தா, பந்துவீச்சை தேர்வு செய்தது. குஜராத் இன்னிங்ஸை சாய் சுதர்சன் - கேப்டன் ஷுப்மன் கில் தொடங்கினர். உறுதியாக அமைந்த இந்தக் கூட்டணி, கொல்கத்தா பௌலர்களை திணறடித்தது.