தேசிய மக்கள் நீதிமன்றத்தில் 8,564 வழக்குகளுக்கு தீர்வு

திருநெல்வேலி, தூத்துக்குடி, கன்னியாகுமரி மாவட்டங்களில் நடைபெற்ற தேசிய மக்கள் நீதிமன்றத்தில் 8,564 வழக்குகளுக்கு சமரசத் தீர்வு ஏற்பட்டு ரூ. 69.43 கோடி வரை இழப்பீடு பெற்றுத்தரப்பட்டது.

- 

திருநெல்வேலி/தூத்துக்குடி/நாகர்கோவில், செப்.13:

திருநெல்வேலி மாவட்ட சட்டப் பணிகள் ஆணைக்குழுவின் சார்பில் 2025 ஆம் ஆண்டின் மூன்றாவது தேசிய மக்கள் நீதிமன்றம் திருநெல்வேலி, தென்காசி மாவட்ட நீதிமன்றங்கள் மற்றும் 10 வட்ட நீதிமன்றங்களில் 27 அமர்வுகளாக சனிக்கிழமை நடைபெற்றது.

திருநெல்வேலி மாவட்ட நீதிமன்ற வளாகத்தில் நடைபெற்ற தேசிய மக்கள் நீதிமன்றத்துக்கு முதன்மை மாவட்ட நீதிபதி எம். சாய் சரவணன் தலைமை வகித்தார். முதலாவது கூடுதல் மாவட்ட நீதிபதி டி.செல்வம், 2ஆவது கூடுதல் மாவட்ட நீதிபதி எஸ். ஹேமா, 3-ஆவது கூடுதல் மாவட்ட நீதிபதி ஏ.ராபின்சன் ஜார்ஜ், 4ஆவது கூடுதல் மாவட்ட நீதிபதி சி.கதிரவன், மகளிர் நீதிமன்ற மாவட்ட நீதிபதி வி.ராமலிங்கம் உள்ளிட்ட நீதிபதிகள் முன்னிலை வகித்தனர்.

இதில், நிலுவையிலுள்ள வாகன விபத்து, குடும்ப நல, உரிமையியல் உள்ளிட்ட 7,402 வழக்குகள் விசாரணைக்கு எடுத்துக்கொள்ளப்பட்டு 3,062-க்கு சமரசத் தீர்வு எட்டப்பட்டது. பாதிக்கப்பட்டவர்களுக்கு இழப்பீடாக ரூ.35 கோடியே 91 லட்சத்து 87 ஆயிரத்து 551 வழங்கப்பட்டது.