ராகுல் காந்திக்கு எதிரான கருத்தை திரும்பப் பெற தலைமை தேர்தல் ஆணையருக்கு கர்நாடக காங்கிரஸ் கடிதம்

ராகுல் காந்திக்கு எதிரான கருத்தை திரும்பப் பெற தலைமை தேர்தல் ஆணையருக்கு கர்நாடக காங்கிரஸ் கடிதம் எழுதியுள்ளது.

- 

பெங்களூரு, ஆக. 12:

இதுகுறித்து கர்நாடக காங்கிரஸ் கட்சியின் ஊடகப் பிரிவு தலைவர் வழக்குரைஞர் ரமேஷ் பாபு, தலைமை தேர்தல் ஆணையருக்கு செவ்வாய்க்கிழமை எழுதியுள்ள கடிதம்:

அரசமைப்புச் சட்டப் பிரிவு 324, மக்கள் பிரதிநிதித்துவச் சட்டம் 1950, 1952-இன் கீழ் நடுநிலையோடு தேர்தலை நடத்துவதோடு, வெளிப்படையான, பிழையற்ற வாக்காளர் பட்டியலை பராமரிக்க வேண்டியது தேர்தல் ஆணையத்தின் கடமை. குடியரசுத் தலைவர், குடியரசு துணைத் தலைவர், மக்களவை, மாநிலங்கள் அவைகள், சட்டப் பேரவை, சட்ட மேலவை தேர்தல்களை நடத்த வேண்டிய பொறுப்பு தேர்தல் ஆணையத்திடம் இருப்பதால், வாக்காளர் பட்டியலை பராமரிக்க வேண்டியது அவசியமாகும்.