முதலமைச்சரின் தாயுமானவர் திட்டம் வயது முதிர்ந்தோருக்கு ஆக.12 முதல் வீடு தேடி ரேஷன்

வயது முதிர்ந்தோர், மாற்றுத் திறனாளிகளுக்கு வீடு தேடி ரேஷன் பொருள்கள் வழங்கும் திட்டத்துக்கு முதலமைச்சரின் தாயுமானவர் திட்டம் என பெயரிடப்பட்டுள்ளது.

- 

சென்னை, ஆக. 7: இந்தத் திட்டத்தை சென்னையில் வரும் 12-ஆம் தேதி முதல்வர் மு.க.ஸ்டாலின் தொடங்கி வைக்கிறார்.

முதலமைச்சரின் தாயுமானவர் திட்டம் 2024-25-ஆம் ஆண்டு நிதிநிலை அறிக்கையில் அறிவிக்கப்பட்டது. தமிழ்நாட்டில் மிகவும் வறிய நிலையில் வாழ்ந்து கொண்டிருக்கும் ஏறத்தாழ ஐந்து லட்சம் ஏழை மற்றும் விளிம்பு நிலையில் உள்ள குடும்பங்களைக் கண்டறிந்து அவர்களுக்குத் தேவையான அடிப்படை வசதிகளை அரசின் திட்டங்களின் மூலமாகச் செய்து கொடுப்பதே தாயுமானவர் திட்டத்தின் முக்கிய நோக்கமாகத் தெரிவிக்கப்பட்டது.