திருச்செந்தூரில் ‘உங்களுடன் ஸ்டாலின்’ முகாமில் 492 மனுக்கள்

திருச்செந்தூரில் உள்ள அருள்மிகு செந்தில் ஆண்டவர் அரசு ஆண்கள் மேல்நிலைப் பள்ளியில் நடைபெற்ற ‘உங்களுடன் ஸ்டாலின்’ முகாமில் 492 மனுக்கள் பெறப்பட்டன.

- 

திருச்செந்தூர், கோவில்பட்டி, ஜூலை 22: திருச்செந்தூரில் உள்ள அருள்மிகு செந்தில் ஆண்டவர் அரசு ஆண்கள் மேல்நிலைப் பள்ளியில் நடைபெற்ற ‘உங்களுடன் ஸ்டாலின்’ முகாமில் 492 மனுக்கள் பெறப்பட்டன.

கோட்டாட்சியரும் முகாம் பொறுப்பு அலுவலருமான சுகுமாறன் தலைமை வகித்தார். நகர்மன்றத் தலைவர் சிவஆனந்தி குத்துவிளக்கேற்றி முகாமைத் தொடங்கிவைத்தார். துணைத் தலைவர் செங்குழி ரமேஷ், வட்டாட்சியர் பாலசுந்தரம் ஆகியோர் முன்னிலை வகித்தனர்.

15 துறைகளைச் சேர்ந்த அலுவலர்கள் பங்கேற்று மனுக்களைப் பெற்றுக் கொண்டனர். மகளிர் உரிமைத்தொகைக்கான 202 விண்ணப்பங்கள் உள்ளிட்ட 492 மனுக்கள் பெறப்பட்டன.