பாகிஸ்தானின் தீராத கடன் பசி!

முனைவர் டிகே. ஜயராமன்

- முனைவர் டிகே. ஜயராமன்

ரிய ருளாதார நெருக்கடி காரணமாக 1991-93-அம் ஆண்டுக்கு இடைப்பட்ட காலத்தில் சர்வதேச நிதியத்தின் (ஐஎம்எஃப்) உதவியை இந்தியா நாட வேண்டியிருந்தது. இருமுறை காத்திருந்த பிறகு 2.2 பில்லியன் அமெரிக்க டாலர் கடன் வழங்கப்பட்டது. தொடர்ந்து மேலும் 1.4 பில்லியன் அமெரிக்க டாலர் கடனாகக் கிடைத்தது. இது, அப்போதைய நிதி நெருக்கடிக்கு ஒரு குறுகியகால தீர்வாக அமைந்தது; பெற்ற கடன், அதற்கான வட்டியை 2000, டிசம்பர் 31-க்குள் முழுமையாகத் திருப்பிச் செலுத்திய இந்தியா 2001 முதல் இன்று வரை சர்வதேச நிதியத்திடம் எந்தக் கடனும் பெறவில்லை.

அதேநேரத்தில் சர்வதேச நிதியம் பாகிஸ்தானுக்கு வழங்கிய சமீபத்திய கடனுடன் சேர்த்து 25-ஆவது முறையாகக் கடன் வழங்கியுள்ளது. இப்போது பெறப்பட்டுள்ள கடனில் பெருமளவு தொகை பழைய கடனுக்கான அசல், வட்டித் தவணையைத் தீர்க்கவே சரியாக இருக்கும். எவ்வளவு கடன் பெற்றும் பாகிஸ்தானால் சீர்திருத்தங்களைச் செயல்படுத்த முடியவில்லை. சர்வதேச நிதியம், உலக வங்கி உள்ளிட்ட பல சர்வதேச கடனுதவிகளை பாகிஸ்தான் தொடர்ந்து வீணாக்கியே வருகிறது. பஹல்காம் தாக்குதலுக்குப் பிறகு பாகிஸ்தானுக்கு சர்வதேச நிதியம் கடன் வழங்குவதை இந்தியா கடுமையாக எதிர்த்தது. ஆனால், இந்தியாவின் கோரிக்கையை சர்வதேச நிதியம் ஏற்கவில்லை.