மழை பாதித்த பயிர்களுக்கு 5 மாதங்களாகியும் நிவாரணம் வழங்கவில்லை

குறைதீர் கூட்டத்தில் விவசாயிகள் புகார்

- 

கோவில்பட்டி, ஜூன் 17: கடந்த ஆண்டு டிசம்பரில் பெய்த கனமழையால் பாதிக்கப்பட்ட பயிர்களுக்கு இதுவரை நிவாரணம் வழங்கப்படவில்லை என, கோவில்பட்டி வட்டாட்சியர் அலுவலகத்தில் செவ்வாய்க்கிழமை நடைபெற்ற குறைதீர் கூட்டத்தில் விவசாயிகள் புகார் தெரிவித்தனர்.

கோவில்பட்டி வருவாய்க் கோட்டத்துக்குள்பட்ட கோவில்பட்டி, கயத்தாறு, எட்டயபுரம், விளாத்திகுளம், ஓட்டப்பிடாரம் வட்டங்களைச் சேர்ந்த விவசாயிகளுக்கான குறைதீர் கூட்டத்துக்கு, கோட்டாட்சியர் மகாலட்சுமி தலைமை வகித்தார்.

கூட்டத்தில் கரிசல்பூமி விவசாயிகள் சங்கத் தலைவர் அ.வரதராஜன்: கடந்த ஆண்டு டிசம்பரில் பெய்த கனமழையால் உளுந்து, பாசி, வெங்காயம், கொத்தமல்லி, மிளகாய் பயிர்கள் பாதிக்கப்பட்டன.