பூஜா கேத்கருக்கு எதிராக ஏப்.15 வரை கைது நடவடிக்கை கூடாது: உச்சநீதிமன்றம்

குடிமைப் பணிகள் தேர்வில் முறைகேடு வழக்கில், முன்னாள் ஐஏஎஸ் பயிற்சி அதிகாரி பூஜா கேத்கருக்கு எதிராக கைது நடவடிக்கை எதுவும் மேற்கொள்ளக் கூடாது என்று ஏற்கனவே பிறப்பித்த உத்தரவை ஏப்.15 வரை உச்சநீதிமன்றம் நீட்டித்துள்ளது.

- 

புது தில்லி, மார்ச் 18: குடிமைப் பணிகள் தேர்வில் முறைகேடு வழக்கில், முன்னாள் ஐஏஎஸ் பயிற்சி அதிகாரி பூஜா கேத்கருக்கு எதிராக கைது நடவடிக்கை எதுவும் மேற்கொள்ளக் கூடாது என்று ஏற்கனவே பிறப்பித்த உத்தரவை ஏப்.15 வரை உச்சநீதிமன்றம் நீட்டித்துள்ளது.

மகாராஷ்டிர மாநிலம் புணேயில் ஐஏஎஸ் பயிற்சி அதிகாரியாகப் பணியாற்றியவர் பூஜா கேத்கர். குடிமைப் பணிகள் தேர்வில் மோசடியில் ஈடுபட்டு, இதர பிற்படுத்தப்பட்ட வகுப்பினர் மற்றும் மாற்றுத்திறனாளிகளுக்கான இடஒதுக்கீடு பலன்களைப் பெற்றதாக அவர் மீது குற்றச்சாட்டு எழுந்தது. இதுதொடர்பாக மத்திய அரசுப் பணியாளர் தேர்வாணையம் (யுபிஎஸ்சி) அளித்த புகாரின் அடிப்படையில், அவர் மீது தில்லி காவல் துறை வழக்குப் பதிவு செய்தது.