சமயபுரம் கோயிலில் பூச்சொரிதல் விழா தொடக்கம்

திருச்சி மாவட்டம், சமயபுரம் மாரியம்மன் திருக்கோயிலில் ஞாயிற்றுக்கிழமை பூச்சொரிதல் விழா தொடங்கியது.

- 

மண்ணச்சநல்லூர், மார்ச் 9: திருச்சி மாவட்டம், சமயபுரம் மாரியம்மன் திருக்கோயிலில் ஞாயிற்றுக்கிழமை பூச்சொரிதல் விழா தொடங்கியது. இதையடுத்து, பக்தர்கள் நலனுக்காக பச்சைப்பட்டினி விரதத்தைத் தொடங்கினார் மாரியம்மன்.

சக்தி ஸ்தலங்களில் முதன்மையாக விளங்குவது சமயபுரம் மாரியம்மன் திருக்கோயில். இத் திருத்தலத்தில் தன்னை தரிசிக்க வரும் பக்தர்களுக்கு அனைத்து விதமான நோய்களும், தீவினைகளும் அணுகாது, சகல சௌபாக்கியங்களும் கிடைக்க மரபு மாறி அம்மன் பக்தர்களுக்காக 28 நாள்கள் 'பச்சைப்பட்டினி விரதத்தை ஆண்டுதோறும் மாசி மாதம் கடைசி ஞாயிறு முதல் பங்குனி கடைசி ஞாயிறு வரை இருப்பது தனிச்சிறப்பாகும்.