நேபாள மாணவி தற்கொலை சம்பவம்: ஒடிஸா கேஐஐடி அதிகாரிகள் 4 பேருக்கு சம்மன்

ஒடிஸா மாநிலம், கலிங்கா தொழில்துறை தொழில்நுட்ப கல்வி நிறுவனத்தில் (கேஐஐடி) நேபாள மாணவி தற்கொலை செய்துகொண்ட விவகாரத்தில், மாநில அரசு அமைத்த விசாரணை குழு முன் ஆஜராக கேஐஐடி-யைச் சேர்ந்த மேலும் 4 அதிகாரிகளுக்கு சம்மன் அனுப்பப்பட்டுள்ளது.

- 

புவனேசுவரம், பிப். 26: ஒடிஸா மாநிலம், கலிங்கா தொழில்துறை தொழில்நுட்ப கல்வி நிறுவனத்தில் (கேஐஐடி) நேபாள மாணவி தற்கொலை செய்துகொண்ட விவகாரத்தில், மாநில அரசு அமைத்த விசாரணை குழு முன் ஆஜராக கேஐஐடி-யைச் சேர்ந்த மேலும் 4 அதிகாரிகளுக்கு சம்மன் அனுப்பப்பட்டுள்ளது.

கேஐஐடி-யில் பி.டெக் கணினி அறிவியல் மூன்றாம் ஆண்டு பயின்று வந்த நேபாள மாணவி கடந்த 16-ஆம் தேதி விடுதி அறையில் தற்கொலை செய்துகொண்டார். இரு பெண் அதிகாரிகள் திட்டியதால் அவர் தற்கொலை செய்து கொண்டதாக கூறி, சக நேபாள மாணவர்களும் பிற மாணவர்களும் போராட்டத்தில் ஈடுபட்டனர். அப்போது, கல்லூரி பாதுகா வலர்களால் மாணவர்கள் தாக்கப்பட்டதாக கூறப்படுகிறது.