திருவானைக்காவல், ஸ்ரீரங்கம் கோயில்களில் அமித் ஷா வழிபாடு

திருவானைக்காவல் சம்புகேசுவரர், ஸ்ரீரங்கம் அரங்கநாத சுவாமி கோயில்களில் திங்கள்கிழமை மத்திய உள்துறை அமைச்சர் அமித் ஷா சுவாமி தரிசனம் செய்தார்.

- 

திருவானைக்காவல் சம்புகேசுவரர் உடனுறை அகிலாண்டேசுவரி கோயிலுக்கு திங்கள்கிழமை காலை 10 மணிக்கு மத்திய அமைச்சர்கள் அமித்ஷா, பியூஷ் கோயல் ஆகியோர் வருகை தந்தனர். கோயிலின் வடக்கு வாசல் வழியாக வருகை தந்த அவர்களை மண்டல இணை ஆணையர் ஞானசேகரன் தலைமையில் இந்து சமய அறநிலையத் துறையினர் வெள்ளிக் குடத்தில் பூரண கும்ப மரியாதையுடன் வரவேற்றனர். இதைத்தொடர்ந்து அம்பாள் சந்நிதியில் உள்ள பிரசன்ன விநாயகரை வழிபட்ட பின் மூலவர் அகிலாண்டேசுவரி சந்நிதியில் அமித்ஷா தரிசனம் செய்தார். பின்னர் பேட்டரி கார் மூலம் 3-ஆம் பிரகாரம் வழியாக சம்புகேசுவரர் சந்நிதிக்க