ஆடி அமாவாசை: காரையாறு சொரிமுத்து அய்யனார் கோயிலில் ஆயிரக்கணக்கானோர் வழிபாடு

ஆடி அமாவாசையை யொட்டி, திருநெல்வேலி மாவட்டம் காரையாறு சொரிமுத்து அய்யனார் கோயிலில் வியாழக்கிழமை ஆயிரக்கணக்கான பக்தர்கள் குடும்பத்துடன் நேர்த்திக்கடன் செலுத்தி வழிபட்டனர்.

- 

அம்பாசமுத்திரம்/கடையநல்லூர், ஜூலை 24:

களக்காடு முண்டந்துறை புலிகள் காப்பக வனப் பகுதியில் அமைந்துள்ள இக்கோயிலில், பங்குனி உத்திரம்- ஆடி அமாவாசை நாள்களில் தமிழகத்தின் பல்வேறு பகுதிகளிலிருந்தும் ஏராளமான பக்தர்கள் விரதம் இருந்து நேர்த்திக்கடன் செலுத்தி வழிபடுவது வழக்கம்.

அதன்படி, நிகழாண்டு அமாவாசைத் திருவிழா கடந்த 14ஆம் தேதி கால் நாட்டுடன் தொடங்கியது. பக்தர்கள் காப்புக் கட்டி விரதம் இருந்துவந்தனர்.