காஸாவில் இஸ்ரேல் ஏவுகணை வீச்சு: குடிநீர் சேகரிக்க வந்த 10 பேர் உயிரிழப்பு

மத்திய காஸாவில் தண்ணீர் சேகரிப்பு மையத்தில் இஸ்ரேல் நடத்திய தாக்குதலில் 10 பேர் உயிரிழந்தனர்.

- 

டேய்ர் அல்-பாலா, ஜூலை 14:

இதுகுறித்து அதிகாரிகள் கூறியதாவது: காஸாவின் நுசைரத் அகதிகள் முகாமில் உள்ள தண்ணீர் விநியோக மையத்தில் இஸ்ரேல் படையினர் ஏவுகணைத் தாக்குதல் நடத்தினர். இதில் ஆறு சிறுவர்கள் உள்பட 10 பாலஸ்தீனர்கள் உயிரிழந்தனர்.

காஸாவில் பரவிவரும் பஞ்சத்தால் உணவு, தண்ணீர் பற்றாக்குறையால் மக்கள் தவித்துவரும் சூழலில் இந்தத் தாக்குதல் நடத்தப்பட்டுள்ளது. இதில் மேலும் 16 பேர் காயமடைந்தனர்.