அதிமுக முன்னாள் அமைச்சர், எம்.பி., எம்.எல்.ஏ.-க்கள் தவெகவில் இணைந்தனர்

அதிமுக முன்னாள் அமைச்சர் கே.டி. பச்சைமால், முன்னாள் சட்டப்பேரவை உறுப்பினர் விஜயதரணி உள்பட முன்னாள் எம்.பி., எம்.எல்.ஏ.-க்கள் தவெக-வில் சனிக்கிழமை இணைந்தனர்.

- 

தமிழகத்தில் தவெக ஆட்சி அமைந்த பின்னர், மாற்றுக் கட்சியினர் ஏராளமானோர் தவெகவில் இணைந்து வருகின்றனர். இதன் ஒரு பகுதியாக, பல்வேறு கட்சிகளைச் சேர்ந்தோர் தவெகவில் இணையும் நிகழ்ச்சி சென்னை பனையூரில் உள்ள அக்கட்சி தலைமை அலுவலகத்தில் சனிக்கிழமை நடைபெற்றது.

அதிமுக முன்னாள் அமைச்சர் கே.டி. பச்சைமால், முன்னாள் எம்.பி.க்கள் நா. பாலகங்கா (அதிமுக வட சென்னை தெற்கு மாவட்டச் செயலர்), ஏ. இளவரசன் (அதிமுக கொள்கை பரப்பு பொதுச்செயலர்), த. வனரோஜா ஆகியோர் தவெக பொதுச் செயலரும், ஊரக வளர்ச்சி மற்றும் நீர்வளத் துறை அமைச்சருமான என். ஆனந்த் முன்னிலையில் தவெகவில் இணைந்தனர்.