சத்தீஸ்கர் முன்னாள் முதல்வர் மகன் கைது: பிரியங்கா கண்டனம்

சத்தீஸ்கர் மாநில முன்னாள் முதல்வர் பூபேஷ் பகேலின் மகன் சைதன்யா பகேலை அமலாக்கத்துறை கைது செய்தது மக்களின் குரல்வளையை நசுக்கும் பாஜக அரசின் தந்திரம் என வயநாடு எம்.பி. பிரியங்கா காந்தி சனிக்கிழமை கண்டனம் தெரிவித்தார்.

- 

புது தில்லி, ஜூலை 19:

சத்தீஸ்கரில் வனப்பகுதிகளை அதானி குழுமத்துக்கு மாநில பாஜக அரசு வழங்கி வருவதற்கு எதிராக சட்டப்பேரவையில் காங்கிரஸ் குரல் எழுப்புவதை தடுக்கவே அவர் கைது செய்யப்பட்டுள்ளதாகவும் பிரியங்கா காந்தி குற்றம்சாட்டினார்.

கடந்த 2019 முதல் 2022-ஆம் ஆண்டு வரை, காங்கிரஸ் சார்பில் சத்தீஸ்கரில் முதல்வராக இருந்த பூபேஷ் பகேலின் ஆட்சியில், மதுபான விற்பனையில் ஊழல் நடைபெற்றதாக அமலாக்கத்துறை குற்றஞ்சாட்டியது.