கர்மவீரர்-பாரத ரத்னா காமராஜர்

ம்மை வழிநடத்துவோரை தலைவர்கள் என்கிறோம். நாட்டை வழிநடத்துவோரை அரசியல் தலைவர்கள் என்கிறோம். சுயநலத்துக்காகவும் புகழுக்காகவும் அரசியலை பயன்படுத்திவரும் தலைவர்களுக்கு மத்தியில் அத்திப்பூத்தாற்போல்தான் ஒருசில பெரும் தலைவர்கள் தோன்றுகின்றனர். பொதுநலத்தை உயிராகப் போற்றி தங்கள் பணியை செவ்வெனச் செய்கின்றனர். அவ்வாறு தோன்றியவர்தான் காமராஜர்.

- 

தொடக்கப் பள்ளி வரை மட்டுமே கல்விகற்ற ஒருவர் ஒரு மாநிலத்தின் முதலமைச்சரான வரலாறு தமிழகத்தில்தான் முதன்முதலாக நடந்திருக்கும். கல்வியே தேசத்தின் கண்களைத் திறக்கும் என்று கூறி, பட்டித்தொட்டிகளெல்லாம் பள்ளிக்கூடங்களைக் கட்டியவர்.

ஏழைப் பிள்ளைகளும் பள்ளிக்கு வரவேண்டும் என்பதால், புரட்சிக்கரமான மதிய உணவுத் திட்டத்தை அறிமுகம் செய்தவர். தாம் முதலமைச்சராக இருந்தபோதும் வறுமையில் வாடிய தன் தாய்க்கு சிறப்புச் சலுகைகள் எதையும் தராதவர். திரைப்படங்களில்தான் இதுபோன்ற கதாப்பாத்திரங்களைப் பார்க்க முடியும்.

1903, ஜூலை 15ஆம் நாள் தமிழ்நாட்டின் விருதுநகரில் குமாரசாமி, சிவகாமி அம்மாள் ஆகியோருக்கு மகனாக பிறந்தார் காமராஜர். குடும்ப ஏழ்மையின் காரணமாக அவரால் ஆறு ஆண்டுகள்தான் கல்விகற்க முடிந்தது.