மணி ஒலித்தால் மாணவர்கள் தண்ணீர் அருந்தும் திட்டம்

அரசுப் பள்ளிகளில் அமலுக்கு வந்தது

- 

சென்னை, ஜூன் 30: நீர்ச்சத்து குறைபாட்டைப் போக்கும் பொருட்டு, மாணவர்கள் தினமும் மூன்று முறை தண்ணீர் அருந்தும் வகையில் 'வாட்டர் பெல்' திட்டம் தமிழகம் முழுவதும் உள்ள அரசு, அரசு உதவி பெறும் பள்ளிகளில் திங்கள்கிழமை (ஜூன் 30) முதல் அமலுக்கு வந்தது.

உடல் நீரிழப்பு மாணவர்களின் அறிவாற்றல், கவனம் மற்றும் கல்விச் செயல்திறனை கணிசமாகப் பாதிக்கும். எனவே, பள்ளிகளில் தண்ணீர் அருந்த மாணவர்களை ஊக்குவிப்பது பல்வேறு நன்மைகளைத் தரும். அந்த வகையில், மாணவர்கள் தண்ணீர் அருந்துவதை ஊக்குவிக்கும் விதமாக மணி ஒலித்தால் தண்ணீர் அருந்த 5 நிமிடம் ஒதுக்கப்படும் 'வாட்டர் பெல்' திட்டம் அறிமுகம் செய்யப்படும் என்று பள்ளிக் கல்வித் துறை அமைச்சர் அன்பில் மகேஷ் தெரிவித்திருந்தார்.