சென்செக்ஸ், நிஃப்டி 2-ஆவது நாளாக சரிவு!

மத்திய கிழக்கில் நிலவும் ஸ்திரமற்ற புவிசார் அரசியல் சூழல் மற்றும் அந்நிய முதலீடுகள் தொடர்ந்து வெளியேற்றம் போன்ற காரணங்களால், இந்தியப் பங்குச் சந்தையில் புதன்கிழமை வீழ்ச்சி காணப்பட்டது.

- 

கடந்த செவ்வாய்க்கிழமையன்று, மும்பை பங்குச்சந்தைக் குறியீடான சென்செக்ஸ் 479.26 புள்ளிகளும், தேசிய பங்குச்சந்தைக் குறியீடான நிஃப்டி 118 புள்ளிகளும் சரிந்திருந்த நிலையில், தற்போது 2-ஆவது நாளாக புதன்கிழமையும் சரிவு நீடித்தது.

அமெரிக்கா-ஈரான் போர் நிறுத்த உடன்பாட்டில் நிலவும் கவலைகள், கச்சா எண்ணெய் விலை உயர்வு ஆகியவற்றால் முதலீட்டாளர்கள் எச்சரிக்கையுடன் செயல்பட்டனர். இதனால், புதன்கிழமை வர்த்தகத்தில் கடும் ஏற்ற, இறக்கம் நிலவியது.