ரஷிய அதிபர் புதின் டிச. 4-இல் இந்தியா வருகை

ரஷிய அதிபர் விளாதிமீர் புதின் இரண்டு நாள் அரசுமுறைப் பயணமாக வரும் டிசம்பர் 4-ஆம் தேதி இந்தியா வருகிறார்.

- 

இது குறித்த அறிவிப்பை வெளியுறவு அமைச்சகம் வெள்ளிக்கிழமை வெளியிட்டது.

இந்தியா - ரஷியா இடையேயான 23-ஆவது ஆண்டு மாநாட்டில் பங்கேற்பதற்காக இந்தியா வரும் புதின், இரு நாடுகளிடையேயான உறவை மேலும் வலுப்படுத்துவது குறித்து பிரதமர் நரேந்திர மோடியுடன் விரிவாக விவாதிப்பார் என எதிர்பார்க்கப்படுகிறது.

இது குறித்து வெளியுறவு அமைச்சக செய்திக்குறிப்பில் கூறியிருப்பதாவது: பிரதமர் மோடியின் அழைப்பை ஏற்று, 23-ஆவது இந்தியா-ரஷியா ஆண்டு மாநாட்டில் பங்கேற்பதற்காக ரஷிய அதிபர் புதின் டிசம்பர் 4,5 ஆகிய தேதிகளில் இந்தியாவில் சுற்றுப்பயணம் மேற்கொள்கிறார்.