தடைகள் போக்கும் திங்களூர்

ற்கடலைக் கடையும்போது தேவர்களுக்கு கிடைத்த கொடிய நஞ்சின் தீவிரம் வெப்பமாக மாறி, தேவர்களையும், அசுரர்களையும் சுட்டுப் பொசுக்கத் தொடங்கியது. தேவர்களுக்கு அபயம் அளிக்க, சிவன் தனது சீடர் ஆலாலசுந்தரர் மூலம் விஷத்தைப் பெற்றுப் பருகினார். இருந்தாலும், விஷ வெப்பத்தின் தாக்குதலால் தேவர்கள் மயக்கம் அடைந்திருந்தனர்.

- -இரா.இரகுநாதன்

பாற்கடலைக் கடைந்தபோது பல பொருள்கள் வெளிவந்தன. அவற்றுள் தோன்றிய சந்திரன், தேவர்களின் மயக்கத்தை தனது அமிர்தக் கலைகளால் மாற்றி மெய் குளிரவைத்தார்.

தச்சன் தனக்குப் பிறந்த அஸ்வினி முதலிய 27 பெண்களைச் சந்திரனுக்குத் திருமணம் செய்து கொடுத்தார். ரோகினி, கார்த்திகை ஆகிய இரு மனைவிகளிடம் மட்டும் சந்திரன் பழக, ஏனையோர் முறையிட்டதால் தச்சன் சீற்றம் அடைந்தார். "உன் கலைகள் நாள்தோறும் ஒன்று ஒன்றாகத் தேயும். அதனால் கூசரோகம் அடையும்" எனச் சந்திரனுக்குத் தச்சன் சாபமும் தந்தான். சாபம் பெற்ற சந்திரனோ பூஜையை மேற்கொள்ள சிவனும் மெச்சி, "மாதத்தின் ஒரு பட்சத்தில் உன் கலைகள் தேயும். மற்றொரு பட்சத்தில் வளரும்" என அருள்பாலித்தார்.