தொழிலாளர்களுக்கான இழப்பீட்டை உயர்த்தி வழங்க கோல் இந்தியா நிறுவனம் முடிவு: மத்திய அமைச்சர் தகவல்

சுரங்க விபத்துகள் நேரிடும்போது தொழிலாளர்களுக்கு வழங்கப்படும் இழப்பீட்டை ரூ.15 லட்சத்தில் இருந்து ரூ.25 லட்சமாக உயர்த்தி வழங்க பொதுத்துறை நிறுவனமான கோல் இந்தியா நிறுவனம் முடிவு செய்துள்ளதாக மத்திய நிலக்கரி மற்றும் சுரங்கத் துறை அமைச்சர் ஜி.கிஷன் ரெட்டி தெரிவித்தார்.

- 

ராஞ்சி, செப். 12:

இதுதொடர்பாக அவர் ஜார்க்கண்ட் தலைநகர் ராஞ்சியில் செய்தியாளர்களிடம் வெள்ளிக்கிழமை கூறியதாவது:

விஸ்வகர்மா தினமும் பிரதமர் மோடியின் பிறந்த நாளுமான செப்டம்பர் 17 முதல் சுரங்க விபத்துகள் நேரிடும்போது தொழிலாளர்களுக்கு வழங்கப்படும் இழப்பீட்டை ரூ.15 லட்சத்தில் இருந்து 25 லட்சமாக உயர்த்தி வழங்க பொதுத்துறை நிறுவனமான கோல் இந்தியா நிறுவனம் முடிவு செய்துள்ளது.

மேலும் செப்டம்பர் 17 முதல் கோல் இந்தியா நிறுவனம் தனது தொழிலாளர்களுக்கு கூடுதலாக ரூ.1 கோடி விபத்து காப்பீட்டையும் ஒப்பந்த தொழிலாளர்களுக்கு ரூ.40 லட்சம் விபத்து காப்பீட்டையும் வழங்க உள்ளது.