காஞ்சிபுரம் டிஎஸ்பி திடீர் கைது: மாவட்ட நீதிபதி அதிரடி உத்தரவு

வன்கொடுமை தடுப்புச் சட்ட வழக்கில் நடவடிக்கை எடுக்காத புகார் தொடர்பாக மாவட்ட நீதிபதியின் உத்தரவின்படி காஞ்சிபுரம் டிஎஸ்பி சங்கர் கணேஷ் திடீரென கைது செய்யப்பட்டார்.

- 

காஞ்சிபுரம், செப்.8:

காஞ்சிபுரம் மாவட்டம், வாலாஜாபாத் வட்டம், பூசிவாக்கத்தில் பேக்கரி நடத்தி வருபவர் சிவா. இவரது கடைக்கு அதே பகுதியைச் சேர்ந்த முருகன் என்பவர் பொருள்கள் வாங்க வந்த நிலையில் இருவருக்கும் தகராறு ஏற்பட்டது. தகராறு முற்றிய நிலையில் கடையில் இருந்த சிவாவின் மருமகன் லோகேஷ் மற்றும் ஊழியர்கள் முருகனை தாக்கியதாக கூறப்படுகிறது.

இதுகுறித்து இருதரப்பினரும் வாலாஜாபாத் காவல் நிலையத்தில் புகார் அளித்தனர். முருகனின் புகாரின் பேரில், போலீஸார் வன்கொடுமை தடுப்புச் சட்டத்தில் வழக்குப் பதிவு செய்தனர். பேக்கரி உரிமையாளர் சிவா அளித்த புகாரின் பேரில், முருகன் மீதும் வழக்குப் பதிவு செய்தனர்.