வாக்கு திருட்டு: ராகுலின் குற்றச்சாட்டுக்கு தேர்தல் அதிகாரிகள் மறுப்பு

தேர்தல் ஆணையத்துக்கு ராகுல் 5 கேள்விகள்

- 

லக்னௌ, ஆக.8: குறிப்பிட்ட சில நபர்கள் உத்தரப் பிரதேசம் உள்பட பல்வேறு மாநிலங்களில் வாக்காளர்களாக போலியாக பதிவு செய்துள்ளதாக மக்களவை எதிர்க்கட்சித் தலைவர் ராகுல் காந்தி முன்வைத்த குற்றச்சாட்டை உத்தரப் பிரதேசம் உள்பட பல்வேறு மாநிலத் தேர்தல் அதிகாரிகள் வெள்ளிக்கிழமை மறுப்பு தெரிவித்தனர்.

2024 மக்களவைத் தேர்தலில் தேர்தல் ஆணையத்தின் உதவியுடன் மத்தியில் ஆளும் பாஜக வாக்கு திருட்டில் ஈடுபட்டதற்கு 'அணுகுண்டு' ஆதாரத்தை ராகுல் காந்தி வெளியிட்டார்.

பெங்களூரு மத்திய மக்களவைத் தொகுதிக்கு உட்பட்ட 7-இல் 6 பேரவைத் தொகுதிகளில் காங்கிரஸ் வெற்றிபெற்றது. ஆனால், மகாதேவபுரா பேரவை தொகுதியில் மட்டும் 1,14,000 வாக்குகள் வித்தியாசத்தில் காங்கிரஸ் தோல்வியைச் சந்தித்தது. இந்த 1,14,000 வாக்குகளில், வாக்கு திருட்டு மூலம் பெறப்பட்டது 1,00,250 வாக்குகள் என்பது ஆய்வில் தெரியவந்ததாக ராகுல் குற்றம்சாட்டினார்.