பிகார் பேரவையில் நிதீஷ் - தேஜஸ்வி கடும் விவாதம்

வாக்காளர் பட்டியல் சிறப்பு திருத்த விவகாரம்

- 

பாட்னா, ஜூலை 23: பிகாரில் வாக்காளர் பட்டியல் சிறப்பு தீவிர திருத்த விவகாரத்தில், அந்த மாநில சட்டப்பேரவையில் முதல்வர் நிதீஷ் குமாருக்கும், எதிர்க்கட்சித் தலைவர் தேஜஸ்வி யாதவுக் கும் இடையே புதன்கிழமை கடும் விவாதம் நடைபெற்றது. இதனால், இரண்டாம் நாளாக புதன்கிழமையும் பேரவையில் கடும் அமளி ஏற்பட்டது.

பேரவை காலை 11 மணிக்கு கூடியபோது அவையில் செவ்வாய்க்கிழமை நடைபெற்ற கடும் அமளியை சுட்டிக்காட்டிய அவைத் தலைவர், ‘அவையில் செவ்வாய்க்கிழமை துரதிருஷ்டவசமான சம்பவங்கள் நிகழ்ந்தன. அவை ஊழியர்கள் சிலர் காயமடைந்தனர். இதுபோன்ற நிகழ்வு மீண்டும் தொடராது என்பதை உறுப்பினர்கள் உறுதிப்படுத்த வேண்டும்’ என்று குறிப்பிட்டார்.