திருச்செந்தூர் கோயிலில் குடமுழுக்கு விழா கோலாகலம்

முருகப்பெருமானின் இரண்டாம் படைவீடான திருச்செந்தூர் சுப்பிரமணிய சுவாமி கோயிலில் குடமுழுக்கு விழா திங்கள்கிழமை கோலாகலமாக நடைபெற்றது.

- 

திருச்செந்தூர், ஜூலை 7: இதில், லட்சக்கணக்கான பக்தர்கள் பங்கேற்றனர். குடமுழுக்கைத் தொடர்ந்து சுவாமி சண்முகர் தங்கச் சப்பரத்தில் வள்ளி-தேவசேனா அம்மனுடன் வீதியுலா வந்தார்.

இக்கோயிலில் 15 ஆண்டுகளுக்குப் பிறகு திங்கள்கிழமை குடமுழுக்கு விழா நடைபெற்றது. இதை யொட்டி கடந்த ஜூலை 1-ஆம் தேதி, மூலவரான சுப்பிரமணிய சுவாமிக்குக் கோயில் உள்ளே பிரகாரங்களில் 4 இடங்களிலும், உற்சவரான சுவாமி சண்முகருக்கு ராஜகோபுரம் அருகேயும் பிரம்மாண்டமாக யாகசாலைகள் அமைக்கப்பட்டிருந்தன. ராஜகோபுர வாசல் யாகசாலையில் சுவாமி சண்முகருக்கு 49, ஜெயந்திநாதர், நடராஜர், பெருமாள் தலா 5, பரிவார மூர்த்திகளுக்கு 12 என மொத்தம் 76 குண்டங்களில் சுமார் 400 கும்பங்கள் வைக்கப்பட்டு, 6 நாள்கள் பூஜைகள் நடைபெற்றன.