செயல்பாட்டுக்கு வராத முள்ளூர் ‘துணை நகரம்’!

புதுக்கோட்டை நகர் முள்ளூரில் அரசு மருத்துவக் கல்லூரி மருத்துவ மனை அருகே கடந்த 2021இல் அதிமுக ஆட்சிக்காலத்தில் தொடங்கப்பட்ட துணை நகரை (சாட்டிலைட் டவுன்) விரைவில் செயல்பாட்டுக்கு கொண்டு வர வேண்டும் என பொதுமக்கள் எதிர்பார்க்கின்றனர்.

- நமது நிருபர்

நமது நிருபர் புதுக்கோட்டை, ஜூன் 29:

புதுக்கோட்டை நகர் விரிவாக்கத்தின் ஒரு பகுதியாக முள்ளூர் அரசு மருத்துவக் கல்லூரி மருத்துவமனை அருகில் கால்நடை பராமரிப்புத் துறைக்குச் சொந்தமான 100 ஏக்கரில் தமிழ்நாடு வீட்டுவசதி வாரியத்தின் மூலம் ‘துணை நகரம்’ உருவாக்கும் பணிகள் தொடங்கப்பட்டன.

முன்னாள் முதல்வர் எம்ஜிஆரின் நூற்றாண்டு விழாவின் ஒரு பகுதியாக இந்தத் துணை நகர் உருவாக்கம் குறித்த அறிவிப்பை அப்போதைய முதல்வர் எடப்பாடி பழனிசாமி வெளியிட, கடந்த 2021 பிப். 24 இல் முன்னாள் அமைச்சர் சி. விஜயபாஸ்கர் இதற்கு அடிக்கல் நாட்டினார்.

ரூ. 56 கோடி மதிப்பில் 1,603 மனைகளுடன் புதிய குடியிருப்பு (துணை நகரம்) உருவாக்கும் பணிகள் விறுவிறுப்பாக மேற்கொள்ளப்பட்டன.

இதில் உயர் வகுப்பினருக்கான 339 மனைகள், மத்திய தர வகுப்பினருக்கான 280 மனைகள், குறைந்த வருவாய்ப் பிரிவினருக்கான 218 மனைகள், பொருளாதாரத்தில் நலிவுற்ற பிரிவினருக்கான 766 மனைகள் பிரிக்கப்பட்டன.