தமிழக அரசின் மசோதாவுக்கு ஆளுநர் ஒப்புதல்

உயிரி மருத்துவக் கழிவுகளை பொது இடங்களில் கொட்டுவோரை விசாரணையின்றி குண்டர் தடுப்புச் சட்டத்தின் கீழ் சிறையில் அடைக்க வகை செய்யும் தமிழக அரசின் சட்டத் திருத்த மசோதாவுக்கு ஆளுநர் ஆர்.என்.ரவி ஒப்புதல் அளித்துள்ளார்.

- 

சென்னை, ஜூன் 13:

அண்டை மாநிலங்களிலிருந்து தமிழக எல்லைகளில் உயிரி மருத்துவக் கழிவுகளைக் கொட்டும் நிகழ்வுகள் தொடர்ந்து நடைபெற்றன. இதனால் சுகாதாரத்துக்கும், சுற்றுச்சூழலுக்கும் அபாயம் ஏற்படும் சூழ்நிலை ஏற்பட்டது.

இத்தகைய புகார்களையொட்டி, சென்னை உயர்நீதிமன்ற மதுரை அமர்வு, மருத்துவக் கழிவு மேலாண்மை விதிகளை மீறுபவர்கள் மீது நடவடிக்கை எடுக்க, தமிழக அரசின் 1982-ஆம் ஆண்டு சட்டத்தில் திருத்தம் செய்ய வேண்டும் எனக் கருத்து தெரிவித்திருந்தது.