மனிதகுலத்தின் எதிரி பாகிஸ்தான்

'மனிதகுலத்துக்கும் நல்லிணக்கத்துக்கும் எதிரி பாகிஸ்தான்; இந்தியாவில் வகுப்புவாத கலவரங்களைத் தூண்டுவதே அந்த நாட்டின் நோக்கம்' என்று பிரதமர் நரேந்திர மோடி தெரிவித்தார்.

- 

கத்ரா, ஜூன் 6:

காஷ்மீர் மக்களின் வாழ்வாதாரத்தை அழிக்க சுற்றுலாத் துறையை பாகிஸ்தான் குறிவைத்துள்ளது என்றும் அவர் குற்றஞ்சாட்டினார்.

ஜம்மு-காஷ்மீரின் பஹல்காமில் கடந்த ஏப்ரலில் சுற்றுலாப் பயணிகளைக் குறிவைத்து நடத்தப்பட்ட தாக்குதலைத் தொடர்ந்து பிரதமர் இவ்வாறு விமர்சித்தார்.

பஹல்காம தாக்குதலுக்கு பதிலடியாக, பாகிஸ்தானில் இந்திய ராணுவம் மேற்கொண்ட 'ஆபரேஷன் சிந்தூர்' வெற்றிகர நடவடிக்கைக்கு பிறகு முதல் முறையாக ஜம்மு-காஷ்மீருக்கு பிரதமர் மோடி வெள்ளிக்கிழமை வருகை தந்தார்.

காஷ்மீர் பகுதிக்கு நேரடி ரயில் இணைப்பை அளிக்கும் உதம்பூர்-ஸ்ரீநகர்-பாரமுல்லா வழித்தடத் திட்டத்தின் நிறைவாக, கத்ரா-ஸ்ரீநகர் இடையிலான வந்தே பாரத் ரயில் சேவையை, கத்ரா ரயில் நிலையத்தில் பிரதமர் கொடியசைத்து தொடங்கி வைத்தார்.

இந்த வழித்தடத்தில் கட்டமைக்கப்பட்டுள்ள உலகின் மிக உயரமான செனாப் ரயில் பாலம், நாட்டின் முதல் கம்பி வட ரயில் பாலமான அன்ஜி பாலத்தையும் நாட்டுக்கு அர்ப்பணித்தார். மொத்தம் ரூ.46,000 கோடிக்கும் அதிக மதிப்பிலான வளர்ச்சித் திட்டங்களைத் தொடங்கிவைத்து, அவர் பேசியதாவது: