ஆகமம் அல்லாத கோயில்களில் விரைவில் அர்ச்சகர் நியமனம்

ஆகம விதிகள் இல்லாத திருக்கோயில்களில் அர்ச்சகர்களை நியமிக்கும் பணிகள் விரைவில் தொடங்கப்படும் என்று இந்து சமய அறநிலையத்துறை அமைச்சர் பி.கே.சேகர்பாபு தெரிவித்தார்.

- 

சென்னை, மே 25:

சென்னை புரசைவாக்கம் அருள்மிகு கங்காதீஸ்வரர் திருக்கோயிலில் ரூ.81 லட்சத்தில் வடிவமைக்கப்பட்டுள்ள புதிய மரத்தேரின் வெள்ளோட்டத்தை வடம் பிடித்து அமைச்சர் சேகர்பாபு தொடங்கி வைத்தார்.

அதைத் தொடர்ந்து, செய்தியாளர்களிடம் அவர் கூறியது: 800 ஆண்டுகள் பழைமையான அருள்மிகு கங்காதீஸ்வரர் திருக்கோயிலுக்கு 16 ஆண்டுகளுக்குப் பிறகு ரூ.4.82 கோடியில் திருப்பணிகள் மேற்கொள்ளப்பட்டு 28.11.2024-இல் குடமுழுக்கு நடைபெற்றது.

சட்டப்பேரவை அறிவிப்பின்படி, இத்திருக்கோயிலுக்கு ரூ.7 கோடியில் புதிய தங்கத் தேர் உருவாக்கும் பணி நடைபெற்று வருகிறது. வரும் ஜனவரிக்குள் பக்தர்கள் நேர்த்திக்கடன் செலுத்தும் வகையில் தங்கத் தேர் ஒப்படைக்கப்படும்.