சிலைகள் திருட்டு வழக்குகளின் கேஸ் டைரி மாயமான விவகாரம் நிலவர அறிக்கையை ஜூலைக்குள் தாக்கல் செய்ய தமிழக அரசுக்கு உச்சநீதிமன்றம் அவகாசம்

தமிழகத்தில் சிலைகள் திருட்டு தொடர்புடைய வழக்குகளின் கேஸ் டைரி கோப்புகள் மாயமான விவகாரத்தில் பதியப்பட்ட 11 வழக்குகளின் விசாரணை நிலவர அறிக்கையை வரும் ஜூலைக்குள் தாக்கல் செய்ய தமிழக அரசுக்கு உச்சநீதிமன்றம் வெள்ளிக்கிழமை அவகாசம் அளித்துள்ளது.

- நமது நிருபர்

நமது நிருபர் புது தில்லி, மே 9:

இந்த விவகாரத்தில் சிறப்பு புலனாய்வு குழுவை அமைக்க உத்தரவிடக் கோரி வழக்குரைஞர் யானை ராஜேந்திரன் உச்சநீதிமன்றத்தில் மேல்முறையீட்டு மனு தாக்கல் செய்தார். அதில், சம்பந்தப்பட்ட கோப்புகள் காணாமல் போனதற்கான சூழ்நிலைகள் குறித்து சுதந்திரமான மற்றும் நியாயமான விசாரணை நடத்தப்பட வேண்டும் எனவும், உயர் காவல்துறை அதிகாரிகள், அதிகாரவர்க்கம் மற்றும் சிலை மாஃபியா இடையேயான தீவிர சதியின் விளைவாக கோப்புகள் காணாமல் போனதாகவும் அவர் குற்றஞ்சாட்டினார்.