கொல்லங்கோடு கோயில் தூக்கத் திருவிழா கொடியேற்றம்

ஆயிரக்கணக்கான பக்தர்கள் பங்கேற்பு

- 

களியக்காவிளை, மார்ச் 23: கன்னியாகுமரி மாவட்டம், கொல்லங்கோட்டில் உள்ள பிரசித்தி பெற்ற ஸ்ரீபத்ரகாளி அம்மன் கோயில் தூக்கத் திருவிழா ஞாயிற்றுக்கிழமை இரவு கொடியேற்றத்துடன் தொடங்கியது. இதில், ஆயிரக்கணக்கான பக்தர்கள் கலந்துகொண்டு அம்மனை வழிபட்டனர்.

கொல்லங்கோடு பத்ரகாளி அம்மனுக்கு வட்டவிளையில் பிரதான கோயிலும், வெங்கஞ்சியில் தூக்கத் திருவிழா கோயிலும் உள்ளது. இக்கோயிலில் ஆண்டுதோறும் பங்குனி மாதம் பரணி நாளில் குழந்தைகளுக்கான தூக்க நேர்ச்சை நடத்தப்பட்டு வருகிறது.