தமிழகத்தில் பெண்களுக்கு எதிரான குற்றங்கள் அதிகரிப்பு

தமிழகத்தில் பெண்களுக்கு எதிரான குற்றங்கள் 52 சதவீதம் அதிகரித்துள்ளதாக பாமக தலைவர் அன்புமணி ராமதாஸ் தெரிவித்தார்.

- 

கோவை, மார்ச் 2:

கோவையில் பெற்ற தனியார் நிகழ்ச்சியில் பங்கேற்பதற்காக ஞாயிற்றுக்கிழமை வந்த அவர் கோவை விமான நிலையத்தில் செய்தியாளர்களிடம் கூறியதாவது:

தமிழகத்தில் பாலியல் குற்றங்கள் அதிகரித்துள்ளன. 52 சதவீதத்திற்கும் மேலாக பெண்கள் மீதான பாலியல் வன்கொடுமை அதிகரித்துள்ளது. ஆனால், தமிழக முதல்வர் இதனைக் கண்டு கொள்ளாமல் இருந்து வருகிறார். தமிழகத்தில் பெண்கள் பயமில்லாமல் நடமாட முடியவில்லை. இதேபோல, தமிழகத்தில் கஞ்சா, போதைப் பொருள் விற்பனையும் அதிகரித்துள்ளது.