ஐரோப்பாவுக்கான ரஷிய எண்ணெய் குழாய் தடத்தில் உக்ரைன் தாக்குதல்

ரஷியாவிலிருந்து ஐரோப்பிய நாடுகளுக்கு எண்ணெய் விநியோகிக்கப் பயன்படுத்தப்படும் ட்ரூஷ்பா குழாய் தடத்தின் மீது உக்ரைன் தாக்குதல் நடத்தியது.

- 

மாஸ்கோ, ஆக. 22: இதையடுத்து, ரஷியா எண்ணெயை இன்னமும் வாங்கி வரும் ஹங்கேரி, ஸ்லோவாகியா ஆகிய ஐரோப்பிய யூனியன் உறுப்பு நாடுகளுக்கான விநியோகம் முடங்கியது.

இதுகுறித்து உக்ரைனின் ஆளில்லா தளவாடப் பிரிவு தளபதி ராபர்ட் ப்ரோவ்டி கூறுகையில், 'ரஷியாவின் போர் நடவடிக்கைகளுக்கு பக்கபலமாகத் திகழும் எண்ணெய் விநியோக மையத்தைத் தாக்கி அழித்துள்ளோம். அந்த நாட்டின் பிரையான்ஸ்க் பகுதியில் உள்ள உனேச்சா எண்ணெய் ஏற்று நிலையத்தில் இந்தத் தாக்குதல் நடத்தப்பட்டது' என்றார். பிரையான்ஸ்க் பிராந்திய ஆளுநர் அலெக்ஸாண்டர் பகோமாஸ் தனது டெலிகிராம் பதிவில், 'ஹைமார்ஸ் ஏவுகணைகள் மற்றும் டிரோன்களைப் பயன்படுத்தி உக்ரைன் இந்தப் பகுதியில் ஒருங்கிணைந்த தாக்குதலை நடத்தியது' என்று குறிப்பிட்டார்.