ஏர் இந்தியா விபத்தில் உயிரிழந்தவர்களுக்காக ரூ.500 கோடியில் நினைவு நல அறக்கட்டளை

டாடா குழுமம் அறிவிப்பு

- 

புது தில்லி, ஜூலை 18: அகமதாபாத் விமான விபத்தில் உயிரிழந்தவர்களுக்காக ரூ.500 கோடியில் நினைவு, நல அறக்கட்டளை அமைக்கப்படும் என்று டாடா குழுமம் வெள்ளிக்கிழமை அறிவிப்பு வெளியிட்டது.

மகாராஷ்டிர மாநிலம், மும்பையில் பொது நினைவு அறக்கட்டளையாக பதிவு செய்யப்பட உள்ள இந்த அறக்கட்டளைக்கு டாடா சன்ஸ் நிறுவனம் மற்றும் டாடா அறக்கட்டளைகள் சார்பில் தலா ரூ.250 கோடி வழங்கப்படும் என்றும் டாடா குழுமம் தெரிவித்தது.

டாடா குழுமத்தின் ஏர் இந்தியா நிறுவனத்துக்குச் சொந்தமான போயிங் 787 ட்ரீம்லைனர் (ஏஐ 171) ரக விமானம், வெளிநாட்டினர் உள்பட 242 பேருடன் (12 ஊழியர்கள், 230 பயணிகள்) குஜராத் மாநிலம், அகமதாபாத் சர்தார் வல்லபாய் படேல் சர்வதேச விமான நிலையத்தில் இருந்து லண்டனுக்கு கடந்த ஜூன் 12-ஆம் தேதி பிற்பகலில் புறப்பட்டது.