எதிரணியின் எந்தத் திட்டமும் பலிக்காது

முதல்வர் மு.க.ஸ்டாலின்

- 

சிதம்பரம், ஜூலை 15: 'எதிரணியின் எந்தத் திட்டமும் தமிழகத்தில் பலிக்காது' என்று முதல்வர் மு.க.ஸ்டாலின் உறுதிபடத் தெரிவித்தார்.

பட்டியலின மக்களுக்காகவே வாழ்ந்து தனது வாழ்வையே அர்ப்பணித்தவரும், கடலூர் மாவட்டத்துக்கு பெருமை சேர்த்தவருமான எல்.இளையபெருமாளை சிறப்பிக்கும் வகையில், அவருக்கு நூற்றாண்டு அரங்கம் அமைக்கப்படும் என தமிழக முதல்வர் மு.க.ஸ்டாலின் சட்டப்பேரவையில் விதி எண் 110-இன் கீழ் அறிவித்திருந்தார்.

அதனடிப்படையில், சிதம்பரம் புறவழிச்சாலையில் ரூ.6.39 கோடி மதிப்பீட்டில் எல்.இளையபெருமாள் திருவுருவச் சிலையுடன் அமைக்கப்பட்ட நூற்றாண்டு அரங்கம் திறப்புவிழா செவ்வாய்க்கிழமை நடைபெற்றது.