சிதம்பரத்தில் இன்று உங்களுடன் ஸ்டாலின் திட்டம்: முதல்வர் மு.க.ஸ்டாலின் தொடங்கி வைக்கிறார்

தமிழ்நாட்டில் உள்ள அனைத்து நகர்ப்புற மற்றும் ஊரகப்பகுதிகளில் ‘உங்களுடன் ஸ்டாலின்’ என்ற புதிய திட்டத்தினை முதலமைச்சர் மு.க. ஸ்டாலின் சிதம்பரத்தில் செவ்வாய்க்கிழமை (இன்று) தொடங்கி வைக்கிறார்.

- 

சிதம்பரம், ஜூலை 14: இதை யொட்டி விரிவான ஏற்பாடுகள் செய்யப்பட்டுள்ளன.

இந்த விழாவில் பங்கேற்பதற்காக முதல்வர் மு.க. ஸ்டாலின் சென்னையிலிருந்து இராமேஸ்வரம் விரைவு ரயில் மூலம் சிதம்பரம் நகருக்கு இரவு 10 மணிக்கு வந்தார். பின்னர் ரயில் நிலையத்திலிருந்து கார் மூலம் சிதம்பரம் கீழரதவீதியில் உள்ள தனியார் விடுதியில் முதல்வர் மு.க.ஸ்டாலின் திங்கள்கிழமை இரவு தங்கினார்.

செவ்வாய்க்கிழமை காலை 9 மணியளவில், காமராஜர் பிறந்த நாள் விழாவை முன்னிட்டு சிதம்பரம் அரசினர் பெண்கள் மேல்நிலை பள்ளியில் முன்னாள் முதல்வர் காமராஜர் திருவுருவ படத்திற்கு மாலை அணிவித்து மரியாதை செலுத்துகிறார்.

அதனைத்தொடர்ந்து ரயில்வே மேம்பாலம் கீழே உள்ள தனியார் திருமண மண்டபத்தில் தமிழ்நாட்டில் உள்ள அனைத்து நகர்ப்புற மற்றும் ஊரகப்பகுதிகளில் ‘உங்களுடன் ஸ்டாலின்’ என்ற புதிய திட்டத்தினை தொடங்கி வைக்கிறார்.