உ.பி.: ஆயுஷ் பல்கலைக்கழகத்தை திறந்துவைத்தார் குடியரசுத் தலைவர் முர்மு

உத்தர பிரதேச மாநிலம், கோரக்பூரில் மகாயோகி குரு கோரக்நாத் ஆயுஷ் பல்கலைக்கழகத்தை குடியரசுத் தலைவர் திரௌபதி முர்மு செவ்வாய்க்கிழமை திறந்துவைத்தார்.

- 

கோரக்பூர், ஜூலை 1:

இந்த விழாவில் குடியரசுத் தலைவர் பேசியதாவது: இன்று இந்தியாவின் குரல் உலகெங்கும் செவிமடுத்துக் கேட்கப்படுகிறது. எனினும் இந்த நிலையை நாம் தக்கவைக்க ஒவ்வொரு குடிமகனும் தனது பங்களிப்பைச் செலுத்த வேண்டும். ஆரோக்கியமே செல்வம் என்று நாம் கூறுகிறோம்.

நாம் ஆரோக்கியமாக இருந்தால்தான் வரும் 2047-ஆம் ஆண்டுக்குள் இந்தியாவை வளர்ந்த நாடாகவும், உலக குருவாகவும் உருவாக்கும் நமது கனவு நனவாகும். இந்தப் பயணத்தில் ஆயுஷ் பல்கலைக்கழகம் முக்கியப் பங்காற்றும்.