இணைய மோசடியாளர்களுக்கு வங்கிக் கணக்குகளை கொடுத்த 4 பேர் கைது

இணையவழி மோசடியில் ஈடுபட்டோருக்கு தங்கள் வங்கிக் கணக்கை கொடுத்து உதவியதாக கர்நாடகம், ஆந்திரம் உள்ளிட்ட மாநிலங்களைச் சேர்ந்த 4 பேரை புதுவை போலீஸார் கைது செய்தனர்.

- 

புதுச்சேரி, மே 31: மேலும், ரூ.2.84 கோடி மீட்கப்பட்டு உரிமையாளர்களிடம் ஒப்படைக்கப்பட்டது.

இதுகுறித்து புதுவை காவல் துறை தலைமையகத்தில் காவல் துறைத் தலைவர் அஜித்குமார் சிங்லா, முதுநிலை காவல் கண்காணிப்பாளர் நாரா சைதன்யா, கண்காணிப்பாளர் பாஸ்கரன் ஆகியோர் சனிக்கிழமை செய்தியாளர்களிடம் கூறியதாவது:

புதுச்சேரியில் உள்ள தனியார் நிறுவனத்தின் கணக்காளருக்கு, கடந்த மார்ச் மாதம் அதன் உரிமையாளரின் கைப்பேசி எண்ணில் இருந்து அவரது புகைப்படத்துடன் வந்த தகவலில், தான் அவசரக் கூட்டத்தில் இருப்பதாகவும், புதிய நிறுவனத்தை வாங்குவதற்கான பணத்தைப் பரிமாற்றம் செய்யவும் அதில் அறிவுறுத்தப்பட்டிருந்தது.