என்எல்சி அதிகாரிகளை கிராம மக்கள் முற்றுகை

கடலூர் மாவட்டம், சேத்தியாத்தோப்பு அருகே கரிவெட்டி கிராமத்துக்கு நிலம் கையகப்படுத்தும் பணிக்காக சனிக்கிழமை வந்த என்எல்சி அதிகாரிகளை கிராம மக்கள் முற்றுகையிட்டு போராட்டத்தில் ஈடுபட்டனர்.

- 

சிதம்பரம், மே 31:

சேத்தியாத்தோப்பு அருகே கத்தாழை ஊராட்சிக்குள்பட்ட கரிவெட்டி கிராமத்தில் நெய்வேலி என்எல்சி நிர்வாகம் நிலங்கள் மற்றும் வீடுகளை கையகப்படுத்த உள்ளது. ஆனால், சுமார் 200-க்கும் மேற்பட்ட குடும்பத்தினர் அந்தக் கிராமத்திலேயே வசித்து வருகின்றனர். அவர்களுக்கு மாற்று குடியிருப்பு, உரிய இழப்பீடு, வேலை உள்ளிட்டவை வழங்கப்படவில்லை எனக் கூறப்படுகிறது.