மணிப்பூர்: பழங்குடியினர் இடையே மீண்டும் மோதல்

மணிப்பூரின் சுராசந்த்பூர் மாவட்டத்தில் ஜோமி மற்றும் ஹமர் பழங்குடியினர் இடையே மீண்டும் ஏற்பட்ட மோதலில் பலர் காயமடைந்தனர்.

- 

இம்பால், மார்ச் 19:

இந்த இரு சமூகத்தினரிடையே கடந்த செவ்வாய்க்கிழமை மாலை அமைதிப் பேச்சுவார்த்தை நடத்தப்பட்ட நிலையில், சுராசந்த்பூர் மாவட்டத்தில் அன்றைய தினமே வன்முறை ஏற்பட்டதாக அதிகாரி ஒருவர் தெரிவித்தார்.

ஜோமி கிளர்ச்சியாளர்கள் அமைப்பின் கொடியை கீழே இறக்க சிலர் முயன்றபோது இரு சமூகத்தினர் இடையே வன்முறை ஏற்பட்டது.

இதைத்தொடர்ந்து, இருதரப்பிலும் ஆயுதம் ஏந்திய குழுவினர் ஒருவரையொருவர் கற்களை வீசி தாக்கத் தொடங்கினர்.

இதையடுத்து, கண்ணீர்புகைக்குண்டுகளை வீசியும் துப்பாக்கிச்சூடு நடத்தியும் வன்முறையை கட்டுப்படுத்தும் பணிகளில் பாதுகாப்புப் படையினர் ஈடுபட்டனர். இருப்பினும், தொடர்ச்சியாக வன்முறையில் ஈடுபட்ட கிளர்ச்சியாளர்கள் பொதுச் சொத்துகளை சேதப்படுத்தியதுடன் எதிர்தரப்பினர் மீது துப்பாக்கிச்சூடும் நடத்தினர்.