கரும்புக்கான ஆதரவு விலை குவிண்டாலுக்கு ரூ.365-ஆக அதிகரிப்பு

மத்திய அமைச்சரவைக் கூட்டத்தில் முடிவு

- 

கரும்பு விவசாயிகளுக்கு சர்க்கரை ஆலைகள் வழங்க வேண்டிய குறைந்தபட்ச ஆதரவு விலையை குவிண்டாலுக்கு ரூ. 10 அளவுக்கு உயர்த்தி ரூ. 365-ஆக அதிகரிக்க மத்திய அரசு தீர்மானித்துள்ளது.

பிரதமர் நரேந்திர மோடி தலைமையில் தில்லியில் செவ்வாய்க்கிழமை நடைபெற்ற மத்திய அமைச்சரவைக் கூட்டத்தில் இதற்கான முடிவு எடுக்கப்பட்டது.

இதுகுறித்து மத்திய தகவல் மற்றும் ஒலிபரப்புத் துறை அமைச்சர் அஸ்வினி வைஷ்ணவ் தில்லியில் அளித்த பேட்டி: வரும் அக்டோபரில் தொடங்கும் 2026-27-ஆம் ஆண்டு பருவத்தில் கரும்பு விவசாயிகளுக்கு சர்க்கரை ஆலைகள் வழங்க வேண்டிய நியாயமான மற்றும் லாபகரமான கொள்முதல் விலை (எஃப்ஆர்பி), 10.25 சதவீத அடிப்படை மீட்பு விகிதத்தின் அடிப்படையில் குவிண்டாலுக்கு ரூ. 10 அளவுக்கு உயர்த்தி ரூ. 365-ஆக அதிகரிக்க மத்திய அமைச்சரவைக் கூட்டத்தில் முடிவு செய்யப்பட்டது.

இந்த நியாயமான மற்றும் லாபகரமான கொள்முதல் விலை என்பது உற்பத்திச் செலவில் 200.5 சதவீதமாகும். இதன்மூலம், விவசாயிகள் ரூ. 1 லட்சம் கோடிக்கும் மேல் வருவாய் ஈட்டுவார்கள் என எதிர்பார்க்கப்படுகிறது என்றார்.